KUCHH SAWAAL BINA JAWAAB KE.......

I got this poetic piece from one of my friend's blog named Aaina.

Chiragon ki roshni me
jab sab kho jaata hai,
tabhi jagta hun main
aur saath aa baithte hain
mere saamne
mere chipe hue aks,
puchte hain mujhse wo sabhi kuch
jisse main
bhagta phirta hun saara din,
yaad dilaate hain,

kuch naam jo bas naam bankar reh gaye,
kuch kaam jo bas kaam ki tarah kiye,

kaise suljhaaye usko,
jo kabhi uljha hi nahi,
bas nazariye me hi silwate ho..

kaise dikhaaye usko
jo chipa hai raat ke kaale sheeshe me,
bahot sawal aise,
jinke jawab bas hothon par rakhe hain,
par lafz jaise kho gaye hon,

ye aks bas sawal liye phirte hain,
jawab jinke shayad bane hi nahi......